網紅的藏寶箱正當美國諗緊點樣搞阿里時，估唔到係中證監先出手。
報道指，螞蟻旗下支付寶，獨家代銷5隻基金產品，而呢5隻基金，將以戰略投資者形式參與螞蟻招股。呢個做法觸動中國證監神經，指支付寶涉潛在利益衝突，咁亦令螞蟻集團的上市批准或因此延遲。
大家可能會問，點解中證監要搞阿里呢？咁就要諗諗條產業鏈。話說喺中國，基金主要係銀行賣，今次支付寶咁搞，喺銀行眼中即係搶地盤啦。再睇埋呢5隻基金，每隻120億元人民幣，加埋有成600億元，累計獲得逾1000萬人認購，真係唔到銀行唔驚。上個月大陸網傳，有銀行發內部memo，聲言因為支付寶搶客：「資金保衛戰打響」！
結論係，所謂執法，都係一個黑吃黑的遊戲。至於螞蟻呢？美國有美國出招，中國有中國內鬥，今個月都唔知上唔上到。
Search